No Centro de Linguas impartimos cursos de inglés, español como lingua estranxeira (ELE), portugués, francés e chinés. Están dirixidos a persoas maiores de 16 anos que queiran aprender, mellorar e/ou acreditar o seu nivel de dominio da lingua, tanto se forman parte da comunidade universitaria da Universidade de Vigo (alumnado, PAS, PDI e persoas asimiladas) coma se son persoas alleas á universidade. Poñemos a disposición do alumnado cursos de todos os niveis: elemental (MCER: A1 e A2), intermedio (MCER: B1 e B2) e avanzado (MCER: C1 e C2).